Cliciwch yma i weld fersiwn Saesneg y Llyfryn Canllaw hwn (gan agor mewn ffenestr arall)

Enwau Cwmni - GBF2

Tachwedd  2007 Fersiwn 17 Fel yr addaswyd gan Ddeddf Cwmniau 2006

Cynnwys

Brig

• y rheolau a'r cyfyngiadau o ran defnyddio enwau cwmni wrth sefydlu'r cwmni ac wrth newid enw;
• pryd na fydd Tŷ'r Cwmnïau'n cofrestru enw cwmni a phryd y bydd angen cyfiawnhau defnyddio geiriau neu ymadroddion sensitif neu angen cymeradwyaeth flaenorol awdurdod cydnabyddedig;
• pryd y gallwch wrthwynebu cofrestru enw cwmni arbennig, a hefyd beth y gallwch ei wneud os gwrthwynebwyd enw'ch cwmni a'ch bod yn cael eich cyfarwyddo gan yr Ysgrifennydd Gwladol i newid yr enw;
• sut i newid enw cwmni, ond nid sut i ffurfio cwmni (ar gyfer hyn, gweler ein llyfryn 'Ffurfio Cwmnïau').

Brig

• os yw un fath' ag enw sydd eisoes ar y mynegai - gweler cwestiwn 3 isod;
• os yw'n cynnwys y geiriau 'cyfyngedig' 'anghyfyngedig' neu 'cwmni cyfyngedig cyhoeddus' neu ‘cwmni buddiant cymunedol’ unrhyw le arall ond ar ddiwedd yr enw. Mae hyn yr un mor wir am dalfyriadau neu fersiynau Saesneg y geiriau;
• os yw’n diweddu yn ‘cymdeithas cyfunddaliad gyfyngedig’ neu’r ymadrodd gyfatebol yn Saesneg (oni bai bod y cwmni yn gymdeithas cyfunddaliad);
• os yw’n diweddu mewn ‘cwmni buddiant cymunedol cyfyngedig cyhoeddus’, ‘cwmni buddiant cymunedol’ (neu’r talfyriadau perthnasol neu’r Saesneg cyfatebol) oni bai bod y cwmni yn gwmni buddiant cymunedol;
• os yw’n cynnwys unrhyw le o’i fewn unrhyw un o’r canlynol:
• • ‘cwmni buddsoddi gyda chyfalaf amrywiol’ (neu’r ymadrodd gyfatebol yn Saesneg);
  • cwmni buddsoddi penagored’ (neu’r ymadrodd gyfatebol yn Saesneg);
  • ‘partneriaeth atebolrwydd cyfyngedig’ (neu’r ymadrodd gyfatebol yn Saesneg);
  • ‘SE’ (neu’r talfyriad SE rhwng cromfachau neu gydag atalnodi arall cyn neu ar ôl y talfyriad). Am ragor o wybodaeth, gweler ein llyfryn The European Company: Societas Europaea (SE);
• os yw'n sarhaus;
• os byddai ei ddefnyddio'n dramgwydd troseddol.

Cyn gwneud cais am sefydlu cwmni, neu cyn gwneud unrhyw beth i newid ei enw, syniad da yw chwilio mynegai Tŷ’r Cwmnïau er mwyn cael gweld a oes cwmnïau sy’n bod yn barod o dan enw tebyg i’r un a ddymunwch. Os byddwch yn amau, ffoniwch ni ar 0870 3333636 neu archwilio’r mynegai cwmnïau ar y wefan yn www.companieshouse.gov.uk.

3. Beth yw ystyr 'yr un fath'?

Wrth benderfynu a yw enw `yr un fath' ag enw arall, bydd y Cofrestrydd yn anwybyddu atalnodi, statws y cwmni, `y/yr' ar ddechrau'r enw a geiriau fel `cwmni' neu `a'r cwmni'. Gellir derbyn enw sy'n swnio yr un fath ag un sydd eisoes ar y Mynegai Enwau Cwmni os yw'r ddau enw wedi eu sillafu'n wahanol.

Er enghraifft, os yw'r enw 'Diacen Cyfyngedig' wedi ei gofrestru'n barod, yna fe wrthodid y canlynol:

• Diacen Cwmni Cyfyngedig Cyhoeddus (neu CCC)
• D ac N Cyfyngedig (neu Cyf)
• D ac N Cwmni Cyfyngedig Cyhoeddus (neu CCC)
• D & N Cyfyngedig (neu Cyf)
• unrhyw rai o'r uchod, gyda'r geiriau `Cwmni' neu `a'r Cwmni' wedi eu hychwanegu.

Dylech fod yn ymwybodol, os mabwysiadwch enw sy'n camarwain y cyhoedd i gredu bod eich busnes chi yn dilyn yr un gweithgarwch â busnes arall - er enghraifft, masnachu'n siop adrannol o dan yr enw 'Harrods' - yna fe allai'r person y gwnaethoch effeithio ar ei fusnes/busnes ddwyn achos yn eich erbyn am ymhonni'. Nid yw cofrestru enw gyda Thŷ’r Cwmnïau yn warant eich bod yn ddiogel rhag gweithredu o’r fath.

Hefyd, os oes nod masnach wedi’i gofrestru neu gais am gofrestru nod masnach neu sy’n cynnwys nod masnach wedi’i wneud a hwnnw’n nod masnach cofrestredig sydd yr un fath â’r enw cwmni neu’n debyg iddo, fe allech chi wynebu achos cyfreithiol am dorri’r nod masnach. Oherwydd hynny, mae’n ddoeth ymgynghoriâthwrnai nodau masnach neu gyfreithiwr cyn defnyddio’r enw thwrnai nodau masnach neu gyfreithiwr cyn defnyddio’r enw. I ddod o hyd i dwrnai nodau masnach, cysylltwch â Sefydliad y Twrneiod Nodau Masnach ar 020 8686 2052 neu edrychwch ar www.itma.org.uk. I ddod o hyd i gyfreithiwr, cysylltwch â Chymdeithas y Cyfreithwyr ar 0870 606 6575 neu edrychwch ar www.lawsociety.org.uk.

Gallwch edrych hefyd ar y Gofrestr Nodau Masnach yn y Swyddfa Eiddo Deallusol cyn ichi gofrestru enw yn Nhŷ’r Cwmnïau. Hyd yn oed os na fydd Tŷ’r cwmnïau’n gwrthwynebu’ch enw ar y sail ei fod yn “rhy debyg” , ni fydd hynny yn amddifyniad ichi yn erbyn unrhyw hawliad yn nes ymlaen yng nghyswllt tor-nod masnach neu ymhonni. Arnoch chi y bydd y cyfrifoldeb i gadarnhau bod yr enw yn rhydd i gael ei ddefnyddio.

I gael rhagor o gyngor, gan gynnwys sut i chwilio’r Gofrestr Nodau Masnach, cysylltwch â Chofrestrfa Nodau Masnach Swyddfa Eiddo Deallusol y DU (UK-IPO) ar e-bost: enquiries@ipo.gov.uk

Gwefan: www.ipo.gov.uk

Ffôn: 08459 500 505

Newidiodd y Swyddfa Batentau ei henw i Swyddfa Eiddo Deallusol y DG (UK-IPO) ar 2 Ebrill 2007.

• Os dewiswch chi enw sy'n cynnwys unrhyw un o'r geiriau a restrir yn Atodiad A, mae'n debyg y gofynnir ichi gyflenwi gwybodaeth ategol cyn inni gofrestru'r enw. Dylech ysgrifennu, gan amgáu gwybodaeth yn ategu'ch cais, at yr Ysgrifennydd Gwladol dros Fasnach a Diwydiant yn Nhŷ'r Cwmnïau yng Nghaerdydd (i gwmnïau Cymreig neu Seisnig) neu Gaeredin (i gwmnïau Albanaidd).
  
  
• Os yw'r enw a ddewiswyd gennych yn cynnwys unrhyw un o'r geiriau a restrir yn Atodiad B, yna bydd angen ichi ysgrifennu at y `corff perthnasol' i ofyn a oes ganddynt wrthwynebiad (ac os oes, pam) i ddefnyddio'r gair neu'r ymadrodd yn enw'ch cwmni. Wrth ysgrifennu at yr Ysgrifennydd Gwladol dros Fasnach a Diwydiant yn Nhŷ'r Cwmnïau, Caerdydd neu Gaeredin, i geisio cymeradwyaeth i'r enw, bydd raid ichi amgáu copi o unrhyw ateb a gawsoch gan y `corff perthnasol'.
  
  
• Mae deddfwriaeth arall yn rhychwantu defnyddio rhai geiriau ac ymadroddion a gallai eu camarfer mewn enwau cwmni fod yn dramgwydd troseddol. Rhestrir y rhai sy'n wybyddus i Dŷ'r Cwmnïau yn Atodiad C. Os hoffech gynnwys un o'r enwau neu ymadroddion hyn yn enw'ch cwmni, yna dylech gysylltu â'r awdurdod rheoleiddio perthnasol neu geisio cyngor gennym ni.
  
  
• Os yw'r enw a ddewiswyd gennych yn rhoi'r argraff bod eich cwmni'n gysylltiedig â Llywodraeth Ei Mawrhydi neu ag awdurdod lleol, yna bydd arnoch chi angen cymeradwyaeth ysgrifenedig yr Ysgrifennydd Gwladol dros Fasnach a Diwydiant cyn bod modd cofrestru'r enw. Ysgrifennwch at yr Ysgrifennydd Gwladol dros Fasnach a Diwydiant yn Nhŷ'r Cwmnïau, Caerdydd neu Gaeredin yn ôl sy'n briodol, gan roi cymaint o fanylion ag y gallwch i ategu'ch cais. Fel arfer, dim ond lle gallwch chi ddangos bod cyswllt go iawn yn bodoli a lle bo'r corff llywodraeth perthnasol yn cefnogi'r cais y caiff enwau o'r fath eu cymeradwyo. Gweler pennod 3.

• Adran Cwmnïau Newydd, Caerdydd, ar gyfer cwmnïau'n cofrestru yng Nghymru a Lloegr; neu at
• Gofrestrydd Cwmnïau'r Alban ar gyfer cwmnïau'n cofrestru yno.

Brig

Brig

• British - bydd cymeradwyaeth i'r gair hwn yn enw'ch cwmni'n dibynnu ar sut y caiff ei ddefnyddio. Fel arfer, byddai'r Ysgrifennydd Gwladol yn disgwyl i'r cwmni fod o dan berchnogaeth Brydeinig. Byddai angen ichi ddangos bod y cwmni'n amlwg yn ei faes trwy ddarparu tystiolaeth ategol gan ffynhonnell annibynnol megis adran o'r Llywodraeth neu gymdeithas fasnach.
  
  Os yw'r gair `British' wedi ei oleddfu gan eiriau nad ydynt yn disgrifio gweithgarwch neu gynnyrch, er enghraifft trwy ddefnyddio gair `gwneud', yna ni fydd tystiolaeth o flaenoriaeth o angenrheidrwydd yn hanfodol. Ond byddai disgwyl ichi ddangos bod eich cwmni'n un sylweddol o ran ei weithgarwch neu ei gynnyrch a'i fod yn amlwg yn ei faes ei hun.
  
• England, English, Scotland, Scottish, Wales, Welsh, Ireland neu Irish - os dymunwch ddefnyddio'r geiriau hyn o flaen enw'ch cwmni, mae'r rheolau'n debyg i'r rhai ar gyfer `British'. Fel arfer, fe gewch gymeradwyaeth i ddefnyddio unrhyw un o'r geiriau hyn ar ôl yr enw os dangoswch fod prif leoliad busnes y cwmni yn y wlad dan sylw. Os dymunwch ddefnyddio un o'r geiriau hyn am ei fod yn gyfenw, fe roir cymeradwyaeth ichi fel arfer ar yr amod bod enw'r cwmni'n cynnwys enwau cyntaf neu flaenlythrennau.
  
• European - ni chymeradwyir enwau sy'n cynnwys y gair hwn os awgrymant, yn ddigyfiawnhad, gyswllt â chyrff swyddogol Undeb Ewrop. Os oes cyswllt go iawn â chorff swyddogol, fe ellir caniatáu'r enw lle bo'r corff perthnasol yn cefnogi'r cais.
  
• Great Britain neu United Kingdom - os dymunwch ddefnyddio'r ymadroddion hyn o flaen yr enw, neu ddefnyddio `of Great Britain' neu `of the United Kingdom' ar ei ôl, yna mae'r meini prawf yr un fath â'r rhai ar gyfer `British'. Os defnyddir y geiriau ar ôl yr enw, cânt eu caniatáu fel arfer yn ddidrafferth. Nid oes eisiau cymeradwyaeth i ddefnyddio'r blaenlythrennau `GB' neu `UK' yn enw'ch cwmni.
  
• International - os dymunwch ddefnyddio'r gair hwn o flaen yr enw, bydd angen ichi ddangos bod masnachu tramor yn cyfrif am ran helaeth o weithgareddau'r cwmni. Os dymunwch ei ddefnyddio ar ei ôl, yna fe roir cymeradwyaeth fel arfer ar yr amod y gallwch chi ddangos bod y cwmni'n gweithredu mewn dwy neu agor o wledydd tramor.
  
• National - mae'r meini prawf ar gyfer y gair hwn yr un fath ag ar gyfer `British'.

• association, federation neu society - os dymunwch ddefnyddio un o'r geiriau hyn, byddai'ch cwmni fel arfer wedi ei gyfyngu trwy warant. Dylai pob aelod fod ag un bleidlais a dylai'r cyfansoddiad gynnwys cymal dim-dosbarthu-elw. Mae hyn yn darparu bod unrhyw elw yn cael ei ddefnyddio i hybu amcanion y cwmni a pheidio â chael ei dalu i'r aelodau ar ffurf buddrannau.
  
• authority, board neu council - os dymunwch ddefnyddio unrhyw un o'r geiriau hyn, dylech geisio cyngor gennym ni. Os yw'r cwmni i gael ei gofrestru yn yr Alban, cysylltwch â Thŷ'r Cwmnïau yng Nghaeredin.
  
• institute neu institution - dim ond i'r cyrff hynny sy'n gwneud gwaith ymchwil ar y lefel uchaf neu i gyrff proffesiynol o'r rheng flaen y rhoir cymeradwyaeth i ddefnyddio'r geiriau hyn fel arfer. Bydd eisiau ichi ddangos inni fod angen y sefydliad a arfaethir a bod ganddo reoliadau priodol neu safonau archwilio. Bydd eisiau ichi sicrhau tystiolaeth o gefnogaeth cyrff cynrychioliadol ac annibynnol eraill.
• Llywodraeth - dim ond os yw Tŷ’r Cwmnïau’n fodlon nad oes cyswllt swyddogol â Llywodreth Ei Mawrhydi neu unrhyw ran o weinyddiaeth yr Alban neu Gymru y rhoir cymeradwyaeth i ddefnyddio’r gair hwn. Caiff yr enw cwmni cyfan ei gymryd i ystyriaeth a’i farnu’n annibynnol yn ôl ei rinwedd.
• HSC (Adran Iechyd a Gofal Cymdeithasol) - Gall Tŷ’r Cwmnïau ymgynghori â’r DHSSPS (Adran Iechyd, Gwasanaethau Cymdeithasol a Diogelwch Cyhoeddus) wrth ystyried cymeradwyo enwau sy’n cynnwys y gair hwn, gan y gallai roi camargraff i gleifion, defnyddwyr gwasanaethau a’r cyhoedd yn ehangach bod y busnes â statws cydnabyddedig mewn cysylltiad ag Iechyd a Gofal Cymdeithasol.
• HPSS (Gwasanaethau Iechyd a Chymdeithasol Personol) - Gall Tŷ’r Cwmnïau ymgynghori â’r DHSSPS (Adran Iechyd, Gwasanaethau Cymdeithasol a Diogelwch Cyhoeddus ) wrth ystyried cymeradwyo enwau sy’n cynnwys y gair hwn, gan y gallai roi camargraff i gleifion, defnyddwyr gwasanaethau a’r cyhoedd yn ehangach bod y busnes â statws cydnabyddedig mewn cysylltiad â’r Gwasanaethau Iechyd a Gofal Personol Chymdeithasol.

• assurance, assurer, insurance, insurer, re-assurance, re-assurer, re-insurance neu re-insurer - os oes angen yr enw i gwmni tanysgrifennu, byddwn fel arfer yn ceisio cyngor pellach. Ond os dymunwch ddefnyddio'r enw i gwmni na fydd yn darparu ond gwasanaethau yswiriant, yna fe ddylech chi gynnwys y disgrifiad priodol, er enghraifft `agents', `consultants' neu `services', yn yr enw.
  
  
• benevolent, foundation neu fund - gwrthodir enwau sy'n cynnwys unrhyw un o'r geiriau hyn os rhoddant yr argraff yn ddigyfiawnhad fod statws elusennol i'r cwmni. Os yw'r cwmni wedi ei gyfyngu trwy warant  a bod ganddo gymal dim-dosbarthu-elw yn y memorandwm cymdeithasiad, yna fe gaiff yr enw ei gymeradwyo fel arfer.

• charter neu chartered - gwrthodir enwau sy'n cynnwys y geiriau hyn os rhoddant yr argraff, yn ddigyfiawnhad, fod gan y cwmni Siarter Frenhinol. Os defnyddir y geiriau i ddisgrifio proffesiwn, fe geisiwn gyngor y corff llywodraethu priodol cyn ystyried p'un ai i roi cymeradwyaeth.
  
  
• charity - er mwyn defnyddio’r gair hwn, mae’n rhaid i’r cwmni ddarparu llythyr oddi wrth y Comisiwn Elusennau sy’n dweud nad oes ganddyn nhw wrthwynebiad. Os na fwriedir i’r cwmni fod yn elusen, rhaid anfon copi o’r memorandwm a’r erthyglau cymdeithasiad arfaethedig at y Comisiwn Elusennau, ynghyd â manylion gweithgareddau’r cwmni ac esboniad pam y mae angen y gair.
  
  
• chemist neu chemistry - os dymunwch ddefnyddio'r geiriau hyn, dylech chi geisio cyngor Tŷ'r Cwmnïau yng Nghaerdydd. Os yw'r cwmni gael ei gofrestru yn yr Alban, cysylltwch â Thŷ'r Cwmnïau yng Nghaeredin.
  
  
• co-operative - os dymunwch ddefnyddio’r gair hwn, dylai Memorandwm ac Erthyglau Cymdeithasiad eich cwmni ddilyn y rheolau sydd at ei gilydd yn cwmpasu cyrff cydweithredol yn y DU. Os bydd arnoch chi angen cyngor pellach, dylech gysylltu â Thŷ’r Cwmnïau yng Nghaerdydd. Os yw'r cwmni i gael ei gofrestru yn yr Alban, cysylltwch â Thŷ'r Cwmnïau yng Nghaeredin.
  
  
• Friendly Society neu Industrial and Provident Society - byddwn yn atgyfeirio enwau sy'n cynnwys yr ymadroddion hyn i sylw Cofrestrydd y Cymdeithasau Llesiant, gan geisio ei gyngor/chyngor. Os dymunwch eu defnyddio yn enw'ch cwmni, dylech chi ofyn yn gyntaf i Dŷ'r Cwmnïau yng Nghaerdydd. Os yw'r cwmni i gael ei gofrestru yn yr Alban, cysylltwch â Thŷ'r Cwmnïau yng Nghaeredin.
  
  
• group - os yw defnyddio'r gair hwn yn awgrymu sawl cwmni o dan un berchnogaeth gorfforaethol, yna bydd angen ichi ddarparu tystiolaeth o'r cydgymdeithasu fel rhiant neu is-ymgymeriad â dau neu ragor o cwmnïau Prydeinig neu dramor. Os yw'r enw'n dangos yn glir fod y cwmni i hybu buddiannau grŵp o unigolion, yna fe gaiff yr enw ei gymeradwyo fel arfer.
  
  
• holding(s) - rhaid i gwmni sydd am ddefnyddio'r gair hwn fod yn gwmni dal yn unol â diffiniad adran 736 o Ddeddf Cwmnïau 1985.
  
  
• patent neu patentee - dim ond lle nad yw'r enw'n groes i Ddeddf Hawlfraint, Dyluniadau a Phatentau 1988 y cymeradwyir enw sy'n cynnwys y naill neu'r llall o'r geiriau hyn.
  
  
• post office - rydym yn debygol o geisio cyngor ar geisiadau sy'n cynnwys y geiriau hyn.
  
  
• register neu registered -byddwn yn trin pob cais am ddefnyddio'r geiriau hyn yn ôl ei rinweddau. At ei gilydd, ceisiwn gyngor y corff llywodraethu priodol lle bo enwau sy'n cynnwys y geiriau hyn wedi eu cysylltu â chymhwyster proffesiynol. Ni chofrestrir mo'r enw os awgryma, yn ddigyfiawnhad, gysylltiad â Llywodraeth Ei Mawrhydi neu awdurdod lleol. Os oes cysylltiad gwirioneddol o'r fath, fe ellir caniatáu'r enw lle bo'r corff priodol yn cefnogi'r cais.
  
  
• Sheffield - os dymunwch ddefnyddio enw sy'n cynnwys y gair `Sheffield', bydd angen inni gadarnhau manylion lleoliad y cwmni a'i weithgareddau busnes. Byddwn hefyd yn ymgynghori â Chwmni'r Cyllellwyr yn Hallamshire.
  
  
• stock exchange - gwrthodir enwau'n cynnwys yr ymadrodd hon fel arfer, onid oes amgylchiadau arbennig.
  
  
• trade union - gwrthodir enwau'n cynnwys yr ymadrodd hon fel arfer, oni chydymffurfiant â'r ddeddfwriaeth ynglŷn ag undebau llafur.
  
  
• trust - gellir defnyddio'r gair `trust' mewn llawer gwahanol ystyr. Ymdrinnir â phob cais yn ôl ei rinweddau ond mae'r prif ffyrdd o ddefnyddio'r gair hwn fel a ganlyn:
  
  charitable trust - mae eisiau i'r cwmnïau hyn fod ag amcanion elusennol a chymal dim-dosbarthu-elw yn y memorandwm cymdeithasiad. Gofynnir ichi gadarnhau eich bod wedi gwneud cais, neu y byddwch yn gwneud cais, am gofrestriad fel elusen gan y Comisiwn Elusennau. Bydd angen i gwmnïau Albanaidd sydd am ddefnyddio'r ymadrodd `charitable trust' wneud cais i Gyllid y Wlad yng Nghaeredin, am nad oes gan y Comisiwn Elusennau awdurdodaeth yn yr Alban.
  
  educational trust neu artistic trust - dylai cwmnïau felly fod â chymal dim-dosbarthu-elw yn y memorandwm cymdeithasiad a dylai'r enw adlewyrchu natur yr ymddiriedolaeth. Dylai'r hybwyr fod yn uchel eu parch yn y maes.
  
  enterprise trust - rhaid i'r cwmnïau hyn fod â chymal dim- dosbarthu-elw yn y memorandwm cymdeithasiad a rhaid iddynt allu darparu tystiolaeth o gefnogaeth, er enghraifft, awdurdodau lleol, busnesau neu fanciau.
  
  family trust - rhaid i gwmnïau o'r fath beidio â dosbarthu elw a rhaid i'r amcanion adlewyrchu natur yr ymddiriedolaeth. Caiff enwau ymddiriedolaethau teuluol eu cymeradwyo fel arfer os yw'r enw yn ei grynswth yn uniaethu'r cwmni fel y cyfryw.
  
  financial trust neu investment trust -os dymunwch ddefnyddio'r ymadroddion hyn, bydd angen ichi ddarparu sicrwydd ysgrifenedig y gwireddir cyfalaf cyfrannau llawndaledig neu gronfeydd eraill o fewn cyfnod rhesymol wedi'r corffori.
  
  pensions neu staff trust - rhaid i enwau cwmnïau felly gynnwys enw'r rhiant-gwmni a rhaid i amcanion y cwmni gynnwys gweithredu cronfeydd pensiwn.
  
  unit trust - os dymunwch ddefnyddio hyn fel rhan o enw'ch cwmni, dylech geisio cyngor Tŷ'r Cwmnïau yng Nghaerdydd. Os yw'r cwmni i gael ei gofrestru yn yr Alban, cysylltwch â Thŷ'r Cwmnïau yng Nghaeredin.

Brig

• wedi ei ryddhau o Ddeddf Cwmnïau 1985 gyda golwg ar gyhoeddi ei enw; a
  
• heb fod dan orfodaeth i anfon rhestri o'r aelodau at y Cofrestrydd.

• bod unrhyw elw, neu incwm arall, i gael ei wario ar hybu amcanion y cwmni;
• na thelir buddran i aelodau;
• os dirwynir y cwmni i ben, y caiff yr holl asedion eu trosglwyddo i gorff arall sydd ag amcanion tebyg, neu sy'n hybu elusen.

Brig

1. Lle nad yw ond llythyren neu ddwy yn cyfrif am y gwahaniaeth, yn enwedig pan fo’r rheiny’n cyfleu lluosog gair a gynhwysir mewn enw ar y gofrestr a fyddai fel arall yn hollol yr un fath.
2. Lle bo geiriau byr yn gwahaniaethu rhwng yr enwau, yn enwedig geiriau o gymeriad generig megis “GB” neu “UK” neu “.com”.
3. Lle bo geiriau ychydig yn hwy yn gwahaniaethu rhwng yr enwau a bod ganddynt elfennau sylweddol neu arbennig iawn yn gyffredin.
4. Lle gwahaniaethant o ran y ffordd y defnyddir symbolau.

• O fewn 12 mis i ddyddiad ei gofrestru os yw ei enw yr un fath ag enw sy'n ymddangos (neu a ddylai fod wedi ymddangos) ar y mynegai adeg y cofrestru, neu sydd, ym marn yr Ysgrifennydd Gwladol, yn 'rhy debyg' i enw felly.
  
• O fewn pum mlynedd i'w gofrestru lle bo gan yr Ysgrifennydd Gwladol le i gredu bod y cwmni wedi darparu gwybodaeth gamarweiniol at ddibenion y cofrestru, neu eu bod nhw, at ddibenion y cofrestru, wedi derbyn ymgymeriadau neu wedi rhoi sicrhad na wireddwyd mohonynt.
  
• Unrhyw bryd os yw'r enw'n rhoi argraff mor gamarweiniol o natur gweithgareddau'r cwmni fel ei fod yn debyg o niweidio lles y cyhoedd. Rhai cydymffurfio â'r cyfarwyddyd hwn o fewn chwe wythnos, oni wneir cais i'r Llys am iddo gael ei ddirymu. (Adran 32, Deddf Cwmnïau 1985)

• gwrthwynebiadau i enw'r cwmni;
• dryswch rhyngoch chi â chwmnïau eraill sydd â hanes masnachu gwael;
• gweithrediadau `ymhonni' o dan y gyfraith sifil.
• achos o dan y gyfraith sifil ar sail ‘ymhonni’ neu dorri nod masnach.

Brig

Ni fydd y Cofrestrydd yn ymgynghori â’r Mynegai Nodau Masnach wrth ystyried cais am enw cwmni. Felly, nid yw cofrestru enw yn golygu nad yw hawliau nod masnach yn bodoli. Arnoch chi y bydd y cyfrifoldeb i gadarnhau bod yr enw yn rhydd i gael ei ddefnyddio.

Peth doeth yw ymgynghori â chyfreithiwr cyn dewis enw. Dylech chi hefyd wirio llyfrau ffôn lleol ac unrhyw gylchgronau masnach perthnasol, i gael gweld a oes busnes arall eisoes yn defnyddio’r enw. Os oes, gallech chi wynebu anawsterau cyfreithiol.

Os bwriadwch fasnachu mewn nwyddau neu wasanaethau, cyngor da ichi fyddai sichrau nad yw enw’ch cwmni’n gwrthdaro â nod masnach cofrestredig. Does dim rhaid iddo fod yr un fath yn hollol â nod masnach i beri gwrthdaro posibl. Gall problemau godi os bernir bod enw’n ddigon tebyg i beri dryswch. Am gyngor pellach, gan gynnwys sut i chwilio’r Gofrestr Nodau Masnach, cysylltwch â Chofrestrfa Nodau Masnach y Swyddfa Eiddo Deallusol ar:

E-bost: enquiries@ipo.gov.uk
Gwefan: www.ipo.gov.uk
Ffôn: 08459 500505

.. neu gan y Ddeddf Credyd Defnyddwyr?

Nid yw cofrestru enw'ch cwmni'n awgrymu derbyn yr un enw at ddibenion Deddf Credyd Defnyddwyr 1974. Os oes angen trwydded arnoch chi o dan y Ddeddf honno i gynnal busnes, yna dylech ymgynghori â'r gangen drwyddedu yn:

Office of Fair Trading
3rd Floor
Craven House
40 Uxbridge Road
Ealing
London W5 2BS
Tel: 020 7211 8000

i gael gweld a yw'r enw a ddewiswyd gennych yn dderbyniol at ddibenion y Ddeddf.

Brig
PENNOD 7
Gwybodaeth bellach

1. Ble galla i gael cymorth?

Am ragor o wybodaeth ynghylch enwau sydd angen cymeradwyaeth yr Ysgrifennydd Gwladol, dylech chi ysgrifennu at:

Dim ond os darparwch chi amlen stampiedig yn dangos y cyfeiriad dychwelyd y bydd Tŷ’r Cwmnïau yn cydnabod i ddogfennau ddod i law.

Os ydych yn anfon dogfennau drwy’r post, drwy negesydd neu drwy drefn Britdoc (DX) a’ch bod yn dymuno cael derbynneb, bydd Tŷ’r Cwmnïau yn darparu cydnabyddiaeth os amgaewch gopi o’ch llythyr eglurhaol gydag amlen stampiedig ac arni eich cyfeiriad dychwelyd. Bydd y côd bar a roddwn ar eich llythyr yn cyfleu’r dyddiad dod i law ac fe ddychwelwn y copi yn yr amlen a ddarparwch.

3. Ga i ffeilio dogfennau mewn ieithoedd eraill?

Yn gyffredinol, mae’r dogfennau sy’n cael eu hanfon at y Cofrestrydd yn gorfod bod yn Saesneg. Er hynny, caiff dogfennau sy’n ymwneud â chwmnïau Cymreig gael eu llunio a’u cyflwyno yn Gymraeg.

O 1 Ionawr 2007 ymlaen, caiff cwmnïau gyflwyno’r dogfennau canlynol mewn ieithoedd eraill os bydd cyfieithiad Saesneg ardystiedig yn cael ei hanfon gyda nhw:

• Penderfyniadau a chytundebau sy’n effeithio ar gyfansoddiad cwmni
• Contractau sy’n dyrannu cyfrannau am gydnabyddiaeth heblaw arian parod
• Yn achos cwmnïau sydd wedi’u cynnwys yng nghyfrifon grwpiau mwy yn yr AEE neu y tu allan i’r AEE, cyfrifon y grŵp ac adroddiad blynyddol y rhiant-ymgymeriad
• Offerynnau arwystlon (neu gopïau o offerynnau arwystlon)

O 1 Ionawr 2007 ymlaen, mae cwmnïau hefyd yn cael ffeilio cyfieithiadau ardystiedig gwirfoddol o unrhyw ddogfen sy’n dod o dan y gofynion yn y Gyfarwyddeb ar ddatgelu. Mae hyn yn cynnwys:

• Dogfennau cyfansoddiadol fel y memorandwm a’r erthyglau cymdeithasiad
• Penodiadau cyfarwyddwyr, newid manylion neu ymddiswyddiadau
• Cyfrifon, adroddiadau a ffurflenni blynyddol
• Hysbysiad ynglŷn ag unrhyw newid yn swyddfa gofrestredig y cwmni
• Dogfennau dirwyn i ben
• Dogfennau cyfalaf cyfrannau (cwmnïau cyhoeddus yn unig)
• Dogfennau ynghylch cyfuno a rhannu cwmnïau (cwmnïau cyhoeddus yn unig)
• Dogfennau ynghylch cwmnïau tramor

4. Ble galla i gael ffurflenni a llyfrynnau canllaw?

Mae hwn yn un o gyfres o lyfrynnau gan Dŷ’r Cwmnïau sy’n rhoi canllaw syml i’r Ddeddf Cwmnïau.

Mae ffurflenni statudol a llyfrynnau canllaw ar gael, yn rhad ac am ddim, gan Dŷ’r Cwmnïau. Y ffordd gyflymaf i’w sicrhau yw drwy’r wefan hon neu drwy ffonio 0870 3333636.

Os bydd yn well gennych, cewch ysgrifennu at ein hadrannau deunydd ysgrifennu yng Nghaerdydd neu Gaeredin.

Gellir hefyd gael ffurflenni gan ddogfenwyr cyfreithiol, cyfrifwyr, cyfreithwyr ac asiantiaid llunio cwmnïau – cyfeiriadau mewn llyfrau ffôn ar gyfer busnesau.

ATODIAD A

Bydd arnoch chi angen cymeradwyaeth yr Ysgrifennydd Gwladol dros Fasnach a Diwydiant cyn defnyddio unrhyw rai o'r geiriau neu'r ymadroddion canlynol (neu eu ffurfiau lluosog neu feddiannol) yn yr enw a ddewiswch i'ch cwmni.

(a) Geiriau sy'n awgrymu blaenoriaeth genedlaethol neu ryngwladol:

sut i gysylltu â ni

Canolfan Cysylltu: 0870 3333 636*
Mini-com: 029 2038 1245
enquiries@companieshouse.gov.uk
www.companieshouse.gov.uk

*At ddibenion hyfforddiant ac ansawdd, gall eich galwad gael ei monitro

Caerdydd:
Tŷ’r Cwmnïau
Ffordd y Goron, Caerdydd CF14 3UZ
Ffacs: 029 2038 0900

Caeredin:
Companies House
37 Castle Terrace, Edinburgh EH1 2EB
Ffacs: 0131 535 5820

Llundain:
Companies House
21 Bloomsbury Street,
London
WC1B 3XD
Ffacs: 029 2038 0900

Brig