Datblygwr Perl (Pen Blaen)
Lleoliad: Caerdydd
Nifer y swyddi: 1
Cyflog (Band C (TG)): £23,389 – £28,306
Penodiad parhaol yw hwn
Oriau gwaith: Amser llawn/rhannu swydd

Prif rôl yn y tîm:
Mae’r Tîm Datblygu Cyflenwi Datrysiadau Busnes yn chwilio am unigolion sydd â’r tueddfryd angenrheidiol i hyfforddi mewn sgiliau i ddatblygu’r elfennau o wahanol systemau Tŷ’r Cwmnïau nawr ac yn y dyfodol. Mae gweithio gyda dadansoddwyr, cwsmeriaid a thimau cymorth yn hanfodol i alluogi datblygu gofynion i mewn i’r systemau TG (yn bennaf y systemau pen blaen).

Mae’r systemau Pen Blaen/Gwe wedi’u hadeiladu o gwmpas y technolegau canlynol: Perl, CSS ac HTML. Bydd angen amrywiaeth eang o sgiliau ar gyfer y rôl, a bydd hyfforddiant a mentora’n cael eu darparu i lenwi unrhyw fylchau yn y sgiliau a’r wybodaeth sy’n ofynnol gan yr ymgeiswyr.

Cymwyseddau Craidd a Phenodol i’r Swydd:

Hanfodol

• Profiad o ddatblygu mewn iaith OO.
• 2 flynedd o brofiad cadarn mewn peirianneg meddalwedd OO y gellir ei drosglwyddo i amgylchedd Perl.
• Cyfathrebu (ysgrifenedig a llafar) ardderchog gyda phersonél ar amrywiaeth o lefelau.
• Sgiliau ardderchog o ran gweithio tîm a sgiliau rhyngbersonol ardderchog.
• Sgiliau cryf o ran datrys problemau.
• Y gallu i flaenoriaethu a gweithio o fewn terfynau amser ac ar yr un pryd ymdrin â gofynion sy’n gwrthdaro.
• Y gallu i godi sgiliau newydd yn gyflym a’u defnyddio mewn ffordd briodol.
• Hunan-ysgogiad a brwdfrydedd.

Dymunol

• Profiad o wasanaethau a sgemâu XML
• Dealltwriaeth a phrofiad o ddatblygu ar gyfer systemau aml-haen a chanolwedd.
• Profiad o ddatblygu rhaglenni cronfa ddata – ANSI SQL.
• 2 flynedd o brofiad o ddatblygu gyda Perl.
• Rhywfaint o brofiad o Apache a Linux.
• Gwybodaeth sylfaenol am Java

Y cyfleoedd a gynigir:

Mae’r swydd hon yn cynnig cyfle i chi weithio mewn amgylchedd TG heriol gan ryngweithio ag amrywiaeth o ddefnyddwyr Tŷ’r Cwmnïau. Byddwch hefyd yn gallu cyfnerthu a datblygu sgiliau mewn amrywiaeth o dechnolegau

Gwybodaeth ychwanegol:

Bydd natur y swydd yn gofyn am barodrwydd ac ymrwymiad i weithio y tu allan i oriau ar ddyddiau’r wythnos a/neu benwythnosau, yn ôl y gofyn

I wneud cais

I wneud cais, llwythwch i lawr y disgrifiad swydd llawn a’r ffurflen gais, a llenwi’r ffurflen gan roi’r wybodaeth angenrheidiol a pherthnasol i helpu I gefnogi’ch cais. Byddwch hefyd yn gweld ffurflenni ychwanegol, y bydd angen i chi eu llwytho i lawr, eu llenwi a’u hanfon yn ôl atom ni gyda’ch ffurflen gais

Dylid anfon ffurflenni cais wedi’u llenwi at: shinchey@companieshouse.gov.uk Neu fel arall, i gael disgrifiad swydd llawn a phecyn cais, anfonwch ebost at shinchey@companieshouse.gov.uk neu ffoniwch 029 2038 0176 gan roi’r rhif cyfeirnod SR/11/20r

Cyfeirnod y swydd: SR/11/20r

Y dyddiad cau ar gyfer ceisiadau: Dydd Gwener 23 Rhagfyr 2011

Bydd yn ofynnol i ymgeiswyr gwblhau gweithgaredd fel rhan o’r broses dethol ar gyfer recriwtio

Mae Tŷ’r Cwmnïau’n gyflogwr cyfle cyfartal ac mae’n croesawu ceisiadau gan ddynion a menywod o bob cefndir a grŵp ethnig, gan gynnwys rhai ag anableddau.

Ffurflen gais

Ffurflenni monitro i gael eu llenwi

Disgrifiad

Adroddiad Blynyddol a Chyfrifon 2010-2011

Cyfeiriad Strategol Tŷ’r Cwmnïau ar gyfer

Crynodeb o Gynllun Busnes 2011/2012

Cofrestr

BIS

Os oes angen gwybodaeth ychwanegol arnoch, cysylltwch â Suzanne Hinchey yn y tîm Adnoddau Dynol dros ebost shinchey@companieshouse.gov.uk neu ffoniwch 029 20348494