A. Mae deddf Cwmnïau 2006 yn ddarn o ddeddfwriaeth gynradd sydd i raddau helaeth yn gymwys i gwmnïau'n uniongyrchol. Mae nifer o ddarpariaethau ar hyn o bryd wedi'u cyfleu drwy ddeddfwriaeth eilaidd, yn bennaf mewn rheoliadau neu orchmynion a gafodd eu gwneud drwy offeryn statudol.

A. Newidiwyd Deddf Cwmnïau 1985 er mwyn bodloni pedwar amcan allweddol:

• Hybu llais cyfranddeiliaid a diwylliant buddsoddi tymor-hir;
• Sicrhau gwell rheoleiddio ac ymagwedd 'Meddwl yn Fach yn Gyntaf';
• Ei gwneud yn haws sefydlu a rhedeg cwmni; a
• Gwarantu hyblygrwydd i'r dyfodol.

A. Mae copi o Ddeddf Cwmnïau 2006 ar gael gan y Swyddfa Gwybodaeth Sector Cyhoeddus http://www.opsi.gov.uk/acts/acts2006a.htm, neu drwy dudalen Cyhoeddiadau'r Ddeddf Cwmnïau ar wefan Tŷ’r Cwmnïau.

A. Sefydlodd y llywodraeth Grŵp Diwygio'r Gyfraith Gwmnïau ym 1998 i ystyried yn fanwl sut y gellid moderneiddio'r gyfraith gwmnïau. Daeth argymhellion yr Arolwg o'r Gyfraith Gwmnïau yn flaengynllun i'r diwygiadau a gafodd eu cynnig yn y Papur Gwyn ar Ddiwygio'r Gyfraith Gwmnïau a gyhoeddwyd ym Mawrth 2005.  Yn sgil ymgynghori, esblygodd cynigion y Papur Gwyn yn Fesur drafft a gafodd ei drafod wedyn yn ystod ei hynt drwy'r Senedd.  I gloi, cafodd y Mesur Gydsyniad Brenhinol (cymeradwyaeth swyddogol) ar 8 Tachwedd 2006.

A. Mae rhagor o wybodaeth am Ddeddf Cwmnïau 2006 ar gael ar wefan BERR http://www.berr.gov.uk/bbf/co-act-2006/

A. Nac ydy. Caiff y Ddeddf ei hategu gan gyfres o Reoliadau'n defnyddio pwerau a roir i'r Ysgrifennydd Gwladol mewn rhannau arbennig o'r Ddeddf. Caiff ei hategu hefyd gan Orchmynion Cychwyn sy'n dod i rym â'r Ddeddf. Wrth gyhoeddi'r rhain, bydd y manylion i'w gweld yn http://www.berr.gov.uk/bbf/co-act-2006/made-or-before-parliament/page35232.html

A. Mae rhai o brif effeithiau'r Ddeddf yn cynnwys:

Pob cwmni

• Mae datganiad diamwys o ddyletswyddau cyffredinol cyfarwyddwyr yn eglurhau'r rheolau presennol sy'n seiliedig ar achosion.
• Bydd modd i gwmnïau wneud mwy o ddefnydd o gyfathrebu electronig i gysylltu â chyfranddeiliaid.
• Bydd cyfarwyddwyr yn cael yr opsiwn awtomatig o ffeilio cyfeiriad cyflwyno hysbysiadau ar y cofnod cyhoeddus (yn hytrach na'u cyfeiriad cartref preifat).
• Rhaid i gyfarwyddwyr fod o leiaf 16 oed a rhaid i bob cwmni fod ag un person naturiol fel cyfarwyddwr– h.y. ni chânt fod â chyfarwyddwyr corfforaethol i gyd.
• Bydd gwell rheolau i enwau cwmni.
• Ni fydd mwyach yn ofynnol i gwmnïau nodi'u hamcanion wrth gorffori.
• Sail cyfansoddiad y cwmni fydd ei erthyglau.

Cwmnïau preifat

• Bydd modelau symlach ar wahân ar gyfer Erthyglau Cymdeithasiad cwmnïau preifat.
• Fel rhan o'r agenda "meddwl yn fach yn gyntaf", bydd "côd" gofynion cyfrifeg ac adrodd cynhwysfawr ar wahân ar gyfer cwmnïau bach.
• Ni fydd yn ofynnol i gwmnïau preifat fod ag ysgrifennydd cwmni.
• Ni fydd angen i gwmnïau preifat gynnal cyfarfod cyffredinol blynyddol, oni bai eu bod yn gwneud dewis cadarnhaol i gynnal un.
• Bydd yn haws i gwmnïau wneud penderfyniadau drwy gydsyniadau ysgrifenedig.
• Bydd rheolau symlach ynghylch cyfalaf cyfrannau, gan ddileu darpariaethau sydd i raddau pell yn amherthnasol i'r mwyafrif llethol o gwmnïau preifat a'u credydwyr.

Buddion allweddol: Cyfranddeiliaid

• Bydd mwy o hawliau i gyfranddeiliaid wedi'u henwebu. Bydd y rhain yn cynnwys yr hawl i dderbyn gwybodaeth yn electronig neu fel copi caled os dymunant.
• Bydd atebolrwydd mwy amserol i gyfranddeiliaid drwy fynnu bod cwmnïau cyhoeddus yn cynnal eu cyfarfod cyffredinol blynyddol o fewn 6 mis i ddiwedd y flwyddyn ariannol

A. Ni chaiff y Ddeddf ei gweithredu'n llawn tan Hydref 2009, er y gweithredir rhannau ohoni'n gynharach yn Ebrill 2007, Hydref 2007,  Ebrill 2008 a Hydref 2008. Gwelir manylion ar wefannau'r Adran Busnes, Menter a Diwygio Rheoleiddio a Thŷ'r Cwmnïau.
Cliciwch yma am yr amserlen gychwyn.

A. Mae Tŷ’r Cwmnïau'n bwriadu rhoi i bob cwmni, cyfarwyddwr a chwsmer rybudd cyn y caiff unrhyw newidiadau eu gweithredu. Caiff gwefan Tŷ’r Cwmnïau ei diweddaru drwy newyddion am amserlenni'r newidiadau a'r gweithredu.

A. Cliciwch yma am fanylion y gweithrediadau a gafodd eu cyflwyno ar 6 Ebrill 2007 www.companieshouse.gov.uk/welsh/companiesAct/implementations/Ebrill2007.shtml

A. Cliciwch yma am fanylion newidiadau Hydref 2007 www.companieshouse.gov.uk/welsh/companiesAct/implementations/Hydref2007.shtml

A. Am gwmpas gweithrediad Ebrill 2008, cliciwch yma: www.companieshouse.gov.uk/welsh/companiesAct/implementations/Ebrill2008.shtml.

A. Am fanylion newidiadau Hydref 2008 cliciwch yma: www.companieshouse.gov.uk/welsh/companiesAct/implementations/Hydref2008.shtml.

A. Caiff amserlenni trosiannol eu cynnwys yn y Gorchmynion Cychwyn. Nid yw hyn yn golygu, fodd bynnag, na fydd darpariaethau ar wahân yn nes ymlaen.

A. Byddant. Mae'n rhaid i bob cyfarwyddwr roi ei gyfeiriad preswyl arferol ac, ar gyfer pob safle fel cyfarwyddwr, cyfeiriad cyflwyno hysbysiadau. Bydd y cyfeiriad cyflwyno hysbysiadau ar y cofnod cyhoeddus; gwybodaeth wedi'i gwarchod bydd y cyfeiriad preswyl. Caiff cyfarwyddwr ddewis defnyddio'i gyfeiriad preswyl fel ei gyfeiriad cyflwyno hysbysiadau; os felly, gwybodaeth wedi'i gwarchod bydd y ffaith bod y ddau gyfeiriad yr un fath.

A. Bydd modd i gyfarwyddwyr ffeilio cyfeiriad cyflwyno hysbysiadau er mwyn y cofnod cyhoeddus. Gall y cyfeiriad hwn fod yr un fath â'r cyfeiriad preswyl, neu gyfeiriad y swyddfa gofrestredig, neu fe all fod yn rhywle arall.  Cychwynnir y drefn hon o 1af Hydref 2009 ymlaen.

A. Na fyddant. Pan gychwynnir cyfeiriadau cyflwyno, byddant yn ddi-dâl.

A. Bydd y canlynol yn cael gwybod cyfeiriadau preswyl cyfarwyddwyr:

• Cyrff cyhoeddus penodedig, er mwyn dilyn eu swyddogaethau cyhoeddus.
• Asiantaethau cyfeirnodi credyd, er mwyn archwilio ceisiadau am gredyd a gwaith cysylltiedig ac er mwyn bodloni rhwymedigaethau'r Rheoliadau Cambrosesu Arian. Bydd modd i gyfarwyddwyr sydd mewn sefyllfa dan fygythiad wneud cais i'r Cofrestrydd am i'w cyfeiriadau beidio â bod ar gael i asiantaethau cyfeirnodi credyd.

A. Ni fydd modd i asiantaethau cyfeirnodi credyd sicrhau cyfeiriad preswyl arferol unrhyw gyfarwyddwr sy'n fuddiolwr o dan Orchymyn Cyfrinachedd dilys ar 30 Medi 2009 neu a wnaeth gais llwyddiannus i'r Cofrestrydd ar y sail ei fod:

• ar risg ddifrifol o ddioddef trais neu fygythion oherwydd gweithgareddau cwmni lle mae'n gyfarwyddwr;
• neu wedi bod, yng nghyflogaeth yr heddlu neu'r gwasanaethau diogelwch;
• yn cyflenwi, neu wedi cyflenwi, nwyddau neu wasanaethau i'r heddlu neu'r gwasanaethau diogelwch.

A. Ydy. Os yw'r Cyfeiriad Cyflwyno Hysbysiadau'n ddi-rym, mae gan y Cofrestrydd y pŵer i roi'r cyfeiriad preswyl arferol ar y gofrestr gyhoeddus.

A. Anfonir llythyrau i'r Cyfeiriad Cyflwyno Hysbysiadau.

A. Bydd Gorchmynion Cyfrinachedd yn peidio â bod wrth weithredu'r Ddeddf ar 1 Hydref 2009. Bydd Adran 243(5) yn caniatáu i gyfarwyddwyr sydd dan fygythiad wneud cais am i'w cyfeiriad preswyl arferol beidio â chael ei datgelu i Asiantaethau Cyfeirnodi Credyd. Bydd yn ofynnol i bob cyfarwyddwr fod â chyfeiriad cyflwyno hysbysiadau ar gyfer y cofnod cyhoeddus, gan roi hefyd eu cyfeiriad preswyl arferol na chaiff neb ond Awdurdodau Cyhoeddus ac Asiantaethau Cyfeirnodi Credyd ei weld.

A. Dim ond cyfarwyddwyr y daw eu gorchymyn cyfrinachedd i ben cyn 1 Hydref fydd yn gorfod adnewyddu'u gorchymyn. O Hydref 1 2009 ymlaen os bydd cyfarwyddwr mewn perygl o ddioddef niwed bydd modd iddynt wneud cais o dan Adran 243(5) am i'w cyfeiriad preswyl arferol beidio â chael ei datgelu i Asiantaethau Cyfeirnodi Credyd.

A. Ar y wefan, mae BERR wedi cyhoeddi casgliad strwythurol o ddyfyniadau defnyddiol o ddatganiadau a wnaed gan  weinidogion yn ystod y trafodaethau Seneddol ar y Mesur. www.berr.gov.uk/files/file40139.pdf. Ac mae'r nodiadau eglurhaol y Ddeddf ar gael ar wefan OPSI: www.opsi.gov.uk/acts/en2006/2006en46.htm. Mae mwy a mwy o gyhoeddwyr yn cynhyrchu gwerslyfrau ar y Ddeddf newydd. Does dim cynllun gan yr Adran i gynhyrchu unrhyw ganllaw pellach.

A. Mae'r Ddeddf yn cyflwyno oedran isaf o 16 i gyfarwyddwr. Bydd unrhyw gyfarwyddwr sydd o dan 16 oed yn peidio'n awtomatig â bod yn gyfarwyddwr pan ddaw'r Ddeddf i rym yn hydref 2008

O 6 Ebrill 2007 ymlaen, dilëwyd yr oedran uchaf i gyfarwyddwyr cwmnïau CCC, sef 70 gynt.

A. Bydd cyfarwyddwyr presennol sydd o dan yr oedran gofynnol yn peidio â bod yn gyfarwyddwyr, heb fod eisiau hysbysu'r Cofrestrydd. Fodd bynnag, bydd angen i'r cwmni ddiwygio'i gofrestr gyfarwyddwyr i adlewyrchu'r ffaith bod y penodiad wedi dod i ben.

A. Byddant. Lle bo rhywun sydd wedi'i benodi'n gyfarwyddwr cyn i adran 157
(yr oedran isaf ar gyfer penodiad fel cyfarwyddwr) ddod i rym heb gyrraedd 16 oed pan ddaw'r adran honno i rym, bydd y person hwnnw'n peidio â bod yn gyfarwyddwr.

A. Ar 1 Hydref 2008, ond bydd cyfnod gras tan Hydref 2010 i unrhyw gwmni nad oedd ag o leiaf un cyfarwyddwr oedd yn berson naturiol pan gafodd Deddf 2006 y Gymeradwyaeth Frenhinol (8 Tachwedd 2006).

A. Byddant.

A. Bydd cwmnïau sydd heb gyfarwyddwr cymwys yn methu'r gofynion cydymffurfio.

A.Ni fydd y gofynion o ran 'safleoedd eraill fel cyfarwyddwr' yn cael eu diddymu nes 1 Hydref 2009, yr un pryd â gweddill Rhan 10 – Cyfarwyddwyr.

A. Dim ond rhai adrannau o Ran 10 o'r Ddeddf sy'n cael eu gweithredu yn Hydref 2007; y rhain yw'r adrannau sy'n ymwneud â dyletswyddau cyfarwyddwyr. Ni chaiff Adran 288 mo'i diddymu nes 1 Hydref 2009, felly dylai cyfarwyddwyr barhau i gael eu penodi ar y ffurflen bresennol nes i Adran 167 o Ddeddf Cwmnïau 2006 ddod i rym.

A. O 6 Ebrill 2008 ymlaen, bydd cwmnïau preifat yn cael dewis a drefnir ysgrifennydd cwmni neu beidio. Os bydd y cwmni'n penderfynu peidio â bod ag ysgrifennydd mwyach ar ôl y dyddiad hwnnw, bydd angen iddo roi gwybod i Dŷ'r Cwmnïau ar ffurflen arferol 288b.

A. O 6 Ebrill 2008 ymlaen, bydd y ddarpariaeth sy'n galluogi cwmnïau preifat i ddewis a ydynt am fod ag ysgrifennydd cwmni neu beidio yn dod i rym.

A. Caiff, cyhyd â'i fod yn gwmni preifat ac o 1af Hydref 2008 bod y cyfarwyddwr yn berson naturiol.

A. Nid yw'r darpariaethau newydd ynglŷn â chyfarwyddwyr naturiol yn gymwys i ysgrifenyddion. Gall ysgrifenyddion fod yn gorfforaethol o hyd.

A. Bydd yn ofynnol i'r cwmni ddiwygio'i Erthyglau os oes cyfeiriad penodol at ysgrifennydd i'r cwmni. Ond os at ddyletswyddau ysgrifennydd yn unig y mae'r Erthyglau'n cyfeirio, does dim angen diwygio.

A. Rhaid i'r cwmni gyflwyno penderfyniad ysgrifenedig neu arbennig, ynghyd â fersiwn wedi'i ddiweddaru o'r Erthyglau.

A. Bydd y rhain yn dod i rym ar 1 Hydref 2009. O'r dyddiad hwnnw ymlaen, bydd modd i ysgrifenyddion sy'n berson unigol ffeilio cyfeiriad cyflwyno hysbysiadau er mwyn y cofnod cyhoeddus a bydd yn ofynnol i ysgrifenyddion corfforaethol roi manylion eu lleoliad cofrestru a rhif cofrestru'r cwmni lle bo hynny'n gymwys.

A. At ei gilydd, bydd gofynion Rhan 15 o Ddeddf Cwmnïau 2006 gyda golwg ar ffurf a chynnwys cyfrifon ac adroddiadau, ynghyd â'r rheoliadau newydd sydd i'w gwneud o dani, yn dod i rym ar gyfer cyfrifon ac adroddiadau yn dechrau ar neu wedi 6 Ebrill 2008. Bydd cyfrifon ac adroddiadau sy'n dechrau cyn hynny yn dal i gael eu paratoi yn unol â Deddf Cwmnïau 1985.

Fodd bynnag, bydd gofynion adran 417 o Ddeddf Cwmnïau 2006 o ran adolygu busnes newydd yn dod i rym ar gyfer adroddiadau sy'n bodloni blynyddoedd ariannol yn dechrau ar neu wedi 1 Hydref 2007.

A. Bydd.

A. Bydd y mathau o gyfrifon yn aros yr un ond bydd yn ofynnol i'r datganiadau ar gyfer cwmnïau sydd â chyfnodau cyfrifeg yn dechrau ar neu wedi 6 Ebrill 2008 gyfeirio at ddatganiadau Deddf Cwmnïau 2006. (Cliciwch yma am y datganiadau cyfrifon newydd)

Bydd – cliciwch yma a y trothwyon eithrio rhag archwilio ariannol newydd.

A. Byddant.  Bydd cyfrifon PAC sydd â chyfnodau cyfrifeg yn dechrau ar neu wedi 6 Ebrill  2008 bellach yn cael 9 mis i ffeilio'u cyfrifon yn Nhŷ'r Cwmnïau neu 21 mis o ddyddiad eu corffori.

Ond mae cynnwys cyfrifon PAC yn dal heb ei effeithio ac mae'n rhaid o hyd ei baratoi yn unol â Deddf Cwmnïau 1985 fel y darperir gan Reoliadau Partneriaethau Atebolrwydd Cyfyngedig 2001.

A. Ar gyfer cyfnodau cyfrifeg yn dechrau ar neu wedi 1 Ebrill 2008 nid oes mwyach reolau arbennig yng nghyswllt eithrio cwmnïau elusennol rhag archwilio ariannol. Gallant fod yn gymwys i'w heithrio rhag archwilio ariannol o dan y gyfraith gwmnïau yn yr un modd ag unrhyw gwmni arall.  Gall cwmnïau elusennol hefyd fod yn gaeth i ofynion ar wahân o ran archwilio'u cyfrifon yn ffurfiol neu eu hystyried rywsut arall o dan y gyfraith elusennau. Am wybodaeth bellach gweler www.charity-commission.gov.uk ar gyfer elusennau wedi'u cofrestru yng Nghymru neu Loegr, neu www.oscr.org.uk ar gyfer elusennau wedi'u cofrestru yn yr Alban.

A. Cânt. Fodd bynnag, dim ond i bartneriaethau PAC sydd â chyfnodau cyfrifeg yn dechrau ar neu wedi 1 Hydref 2008 y bydd y trothwyon bach/canolig uwch yn gymwys.

A. Ni fydd yr adran o Ddeddf Cwmnïau 2006 sy'n ymwneud â'r gofynion newydd ar gyfer cyfrifon yn dod i rym tan 6 Ebrill 2008 a bydd yn gymwys i gyfnodau cyfeirnod cyfrifeg sy'n dechrau ar y dyddiad hwnnw neu wedyn. Mae rheoliadau ar gyfer cynnwys cyfrifon yn cael eu drafftio ar hyn o bryd ac arfaethir rhoi'r wedd derfynol arnynt erbyn diwedd y flwyddyn pryd y cyhoeddir canllawiau pellach ynglyn â'r datganiadau sydd eisiau.

A. Nac oes, dim ond ar gyfer cyfnodau cyfrifeg yn dechrau ar 6 Ebrill 2008 neu wedyn, wrth i ddarpariaethau cyfrifeg Deddf 2006 ddod i rym, y bydd angen datganiadau yn y cyfrifon.

A. Bydd y cyfnodau ar gyfer ffeilio cyfrifon yn cael eu gostwng o 10 mis i 9 mis ar gyfer cwmnïau preifat ac o 7 mis i 6 mis ar gyfer cwmnïau CCC.

A. Caiff y terfynau amser ar gyfer ffeilio cyfrifon eu gostwng i gwmnïau sydd â chyfnodau cyfrifeg yn dechrau ar neu wedi 6 Ebrill 2008.

A. Mae llawer o'r newidiadau i gyfrifon heb eu diffinio eto. Ond i gwmnïau sydd â chyfnodau cyfrifeg yn dechrau 6 Ebrill 2008, caiff yr amserau ffeilio cyfrifon eu byrhau i 9 mis ar gyfer cwmnïau preifat a 6 mis ar gyfer cwmnïau cyhoeddus.

A. Bydd y cyfnod ffeilio byrrach ar gyfer cyfrifon yn dod i rym i gwmnïau sydd â chyfnodau cyfrifeg yn dechrau ar neu wedi 6 Ebrill 2008.

A. Bydd adran 442, 'Period allowed for filing accounts', yn dechrau ar 6 Ebrill 2008. Felly, bydd yn gymwys i bob cyfnod cyfrifeg sy'n dechrau ar 6 Ebrill 2008 neu wedyn.

A. Bydd. Byddwn yn ailddatgan adran 260 o Ddeddf 1985 heb ei haddasu, yn y rheoliadau sydd i'w gwneud o dan Ran 15 o Ddeddf 2006.

A. Nid yw adran 463 o Ddeddf Cwmnïau 2006 (atebolrwydd am ddatganiadau anwir neu gamarweiniol mewn adroddiadau) yn gymwys i adroddiad cyfarwyddwyr, adroddiad cydnabyddiaeth cyfarwyddwyr na datganiad ariannol cryno a gafodd ei anfon gyntaf at yr aelodau ac eraill yn unol ag adran 238 neu 251 o Ddeddf 1985, neu Erthygl 246 neu 259 o Orchymyn 1986, cyn Ionawr 2007. Felly, mae'n dibynnu ar ba bryd y caiff dogfennau eu hanfon i'r aelodau, nid ar ba flwyddyn ariannol y cyfeiriant ati.

A. Mae Arolwg Busnes yn adolygiad teg o fusnes y cwmni yn ystod y cyfnod cyfrifeg. Rhaid iddo fod yn ddadansoddiad cytbwys a chynhwysfawr o ddatblygiad a chyflawniad y cwmni, gyda disgrifiad o'r prif risgiau. (Gweler Adran 417 o Ddeddf Cwmnïau 2006).

A. Rhaid i Adroddiad y Cyfarwyddwyr o fewn y cyfrifon gynnwys Arolwg Busnes. Mae hyn yn gymwys i bob cwmni, ar wahân i rai sy'n ffeilio cyfrifon cwmni bach.

A. Bydd yr Arolwg Busnes yn gymwys i bob cyfrifon sy'n bodloni cyfnodau cyfrifeg yn dechrau ar neu wedi 1 Hydref 2007.

A. Unwaith bod cwmni wedi ffeilio'i Ffurflen Flynyddol yn bodloni dyddiad ar ôl 30 Medi 2007, bydd o dan reolaeth darpariaethau Deddf 2006 gyda golwg ar fynediad i'w gofrestr aelodau. Mae hyn yn golygu:

• bod rhaid i'r cais am fynediad gynnwys enw a chyfeiriad y sawl sy'n ceisio mynediad, gan nodi i ba ddiben y caiff yr wybodaeth ei defnyddio, p'un a gaiff ei rhannu â rhywun arall, ac os felly â phwy ac i ba ddiben;
• bod rhaid i'r cwmni, o fewn pum diwrnod gwaith, naill ai cydymffurfio â'r cais am fynediad neu wneud cais yntau i'r llys;
• y bydd y llys yn caniatáu i'r cwmni beidio â chydymffurfio os yw'n fodlon na cheisir mynediad i ddiben priodol.

A. Mae'r cyfyngiad hwn yn gymwys i bob cais allanol am gael gweld y gofrestr aelodau o'r tu allan i'r cwmni.

A. Enw a chyfeiriad yr ymgeisydd, neu os sefydliad sydd dan sylw, am enw rhyw unigolyn, a hefyd diben y cais ac a gaiff yr wybodaeth ei datgelu ac i bwy  a'i bwrpas. Mae'n drosedd i wneud datganiad anwir wrth roi'r manylion sydd angen ar gyfer y datgelu.

A. Rhaid i'r cwmni naill ai cydymffurfio â'r cais yn ddiymdroi neu fe gaiff wneud cais i'r llysoedd am gyfyngu mynediad i'r Gofrestr o fewn 5 diwrnod gwaith.

A. Dim ond os yw'n fodlon na cheisir y mynediad at ddiben priodol y byddai'r llys yn caniatáu i'r cwmni beidio â chydymffurfio.

A. Mater i'r llys ei benderfynu yw a oes diben priodol i gais neilltuol.

A. Os cylchredwyd rhybudd am y cyfarfod cyn 1 Hydref 2007, dylai'r cyfarfod fynd ymlaen gan i'r rhybudd gael ei gylchredeg o dan Ddeddf Cwmnïau 1985.

A. Ar ôl 1 Hydref 2007, dim ond os dywedir hynny yn ei erthyglau y bydd yn rhaid i gwmni gynnal cyfarfod cyffredinol anarferol i fabwysiadu penderfyniad anarferol.

A. Ydy. Er enghraifft, roedd Deddf Ansolfedd 1986 yn dweud bod rhaid mabwysiadu penderfyniad anarferol i ddirwyn cwmni i ben. Nid yw hyn yn wir mwyach, gan fod diwygiad canlyniadol wedi'i wneud i Ddeddf Ansolfedd 1986 i newid y gofynion o benderfyniad anarferol i benderfyniad arbennig.

A. Oes.

A. O dan Ddeddf Cwmnïau 2006 ni fydd yn ofynnol mwyach i gwmnïau preifat gynnal cyfarfodydd cyffredinol blynyddol. Ond bydd y cyfranddeiliaid yn dal i gyfrannu at broses benderfynu'r cwmni.

Cafodd y Ddeddf ei llunio i lawer o'r penderfyniadau hyn allu cael eu gwneud drwy drefn ysgrifenedig, er y bydd angen o hyd i'r cwmni gynnal cyfarfodydd i ddiswyddo cyfarwyddwr neu derfynu penodiad archwilydd ariannol cyn diwedd ei gyfnod yn y swydd. Hefyd, mae gan y cyfranddeiliaid a'r cyfarwyddwyr y pŵer i alw cyfarfod o hyd os dymunant.

Mae effaith y darpariaethau newydd yn dibynnu ar beth sydd wedi'i gynnwys ar hyn o bryd yn erthyglau'r cwmni. Bydd angen o hyd i gwmni preifat presennol fabwysiadu penderfyniad i ddileu o'i erthyglau unrhyw gymalau presennol sy'n ymwneud â chyfarfodydd cyffredinol blynyddol. Câi hysbysiad am y penderfyniad hwn ei gylchredeg ymhlith yr aelodau cyn y gellid ei fabwysiadu neu ei gymeradwyo.

Mae gwybodaeth bellach am benderfyniadau a chyfarfodydd wedi'i chynnwys yn Neddf Cwmnïau 2006: Private Company Information, ac ar wefan BERR: http://www.berr.gov.uk/files/file42261.pdf

A. Byddai Tŷ’r Cwmnïau yn disgwyl i'r penderfyniad nodi'r math o benderfyniad sydd dan sylw, y ffaith iddo gael ei fabwysiadu/gymeradwyo gan yr aelodau neu'r cyfarwyddwyr, a dyddiad ei fabwysiadu.

A. 1 Hydref 2007

A. Bydd y mwyafrif sydd angen yn debyg i'r mwyafrif ar gyfer cyfarfodydd cyfranddeiliaid – mwyafrif syml o'r cyfrannau cymwys ar gyfer penderfyniadau arferol, neu 75% ar gyfer penderfyniadau arbennig.

A. Dim ond un llofnod sydd eisiau ar benderfyniadau ysgrifenedig a gaiff eu mabwysiadu ar neu wedi 1 Hydref 2007 (o dan Ddeddf Cwmnïau 2006) (er y gall fod mwy o lofnodion arnynt).

A. Bydd, caiff Adran 390 o Ddeddf Cwmnïau 85 ei diwygio fel bod hawl o hyd gan archwilwyr ariannol i dderbyn pob gohebiaeth a ddosberthir ymhlith yr aelodau gyda phenderfyniadau ysgrifenedig.

A. Does dim angen i gwmnïau preifat yn cynnal cyfarfod cyffredinol blynyddol mwyach os nad oes rhwymedigaeth i wneud felly yn ei erthyglau. Rhaid i gwmni presennol barhau i gynnal Cyfarfod Cyffredinol Blynyddol oni bai ei fod yn newid ei erthyglau i ddileu pob rhyw gyfeiriad at Gyfarfodydd Cyffredinol Blynyddol.  Mae'n rhaid i gwmnïau cyhoeddus gynnal Cyfarfodydd Cyffredinol Blynyddol.

A. Mae 'dogfen wedi'i dilysu' yn cyfeirio at gymeradwyaeth yr aelodau o'r penderfyniad. Caiff yr aelodau naill ai llofnodi copi papur o'r penderfyniad neu ddangos eu cymeradwyaeth o fersiwn electronig. Dyma pam y dywedir dilysu yn hytrach na llofnodi.

A. Cafodd fformatiau'r penderfyniad arbennig a'r penderfyniad ysgrifenedig eu diweddaru ill dau ar 1 Hydref 2007 ac maen nhw ar gael ar wefan Tŷ’r Cwmnïau. Mae'r fersiwn ar-lein o Ddeddf Cwmnïau 2006 i'w weld ar wefan OPSI (www.opsi.gov.uk/acts), ac mae Pennod 5 adrannau 77-81 yn cyfeirio at newid enw.

A. Bellach, gall cyfarfodydd cyfranddeiliaid cwmnïau preifat gael eu cynnal drwy roi rhybudd o 14 diwrnod, oni bai bod trefniadau gwahanol wedi'u pennu yn Erthyglau'r cwmni.

A. O dan Ddeddf Cwmnïau 2006 mae penderfyniadau drwy bleidlais, heb gynnwys adran 80a (bellach adran 549-55 o Ddeddf 2006), wedi eu diddymu.

O 1 Hydref 2007 ymlaen, nid oes angen mwyach i bedwar o'r pum math o benderfyniad drwy bleidlais gael eu ffeilio ar gyfer cwmnïau cyfyngedig preifat - sef:

Hepgor gosod cyfrifon ac adroddiadau gerbron cyfarfod cyffredinol (ad252)
Hepgor cynnal cyfarfodydd cyffredinol blynyddol (ad366a)
Lleihau'r mwyafrif sydd eisiau i awdurdodi cyfarfod ar fyr rybudd (ad369(4) neu 378(3))
Hepgor penodi archwilwyr ariannol bob blwyddyn (ad386)

Ond os cânt eu ffeilio, fe'u rhoir ar y cofnod cyhoeddus.

A. Lle bo cwmni eisoes wedi ffeilio penderfyniadau drwy bleidlais, byddant yn dal mewn grym ac ni fydd angen i'r cwmni ddiwygio'r erthyglau. Bydd penderfyniadau drwy bleidlais a gafodd eu cylchredeg cyn 1 Hydref 2007 yn dal yn dderbyniol i'w ffeilio.

A. Fe erys y cyfrifoldeb am gyflenwi cyfrifon i rai pobl.  Rhaid i bob cwmni anfon copi o'i gyfrifon a'i adroddiadau blynyddol ar gyfer pob blwyddyn ariannol at -

• bob aelod o'r cwmni
• pob dyledebydd yn y cwmni, a
• phawb sydd â hawl i dderbyn rhybudd am gyfarfodydd cyffredinol

A. Yn gyntaf, mae'n rhaid i'r cwmni wirio'r erthyglau cyfredol i weld beth sydd wedi'i bennu, ac os yw am fanteisio ar y cyfle i beidio â chynnal cyfarfod cyffredinol blynyddol, rhaid iddo fabwysiadu penderfyniad i ddileu'r ddarpariaeth honno.  Ond caiff barhau i gyflwyno'r cyfrifon i'r aelodau yn ôl ei arfer bresennol.  

A. Nid yw hyn yn orfodol. Dim ond lle bo'r cwmni am fanteisio ar y darpariaethau newydd a ddaeth i rym ar 1 Hydref 2007, e.e. dyletswyddau cyfarwyddwyr, penderfyniadau a chyfarfodydd, y bydd angen i erthyglau'r cwmni newid. 

A. Wrth i'r cwmni fabwysiadu penderfyniad arbennig i gyflwyno set bwrpasol o erthyglau, bydd angen 75% o'r pleidleisiau sy'n gymwys.  Felly, bydd yn dibynnu ar faint o bleidleisiau cymwys sydd gan y cwmni (h.y. faint o aelodau).

A. 1 Hydref 2009

A. Mae'r Ddeddf yn cwmpasu'r DU gyfan a chaiff cwmnïau Gogledd Iwerddon eu corffori yn yr un modd â chwmnïau'r DU.

A. Byddant.

A. 1 Hydref 2009

A. Bydd. Bydd Swyddfa Gogledd Iwerddon yn aros yn Belfast yn y lleoliad presennol.

A. Bydd data hanesyddol Gogledd Iwerddon, a dogfennau o 2000 ymlaen, ar gael yn syth. Ond bydd amser trosglwyddo ychydig yn hwy i ddogfennau hyn gan y cânt eu sganio cyn eu trosglwyddo.

A. Mae tua 38,000 o gwmnïau wedi'u cofrestru yng Ngogledd Iwerddon.

A. Bydd. Bydd cwmnïau Gogledd Iwerddon yn cael manteisio ar wasanaeth WebFiling o 1 Hydref 2009 ymlaen.

A. Byddant. Fe gedwir yr "NI".

A. O dan Ddeddf 2006, cwmnïau tramor fydd rhai sydd wedi'u cofrestru y tu allan i'r DU. Os bydd cwmni o Ogledd Iwerddon am agor cangen yng Nghymru, Lloegr neu'r Alban, does dim rhaid iddo gofrestru gyda'r Cofrestrydd am yr awdurdodaeth honno, na'r ffordd arall. Ni fydd angen mwyach i gwmnïau presennol gofrestru.

A. Bydd newidiadau i bob ffurflen, os dim ond i ddileu'r rhif gan fod y rhifau, e.e. 288, yn cyfeirio at adran berthnasol Deddf Cwmnïau 1985. Mae'n debygol y bydd y ffurflenni newydd â disgrifydd yn cyfeirio at eu diben ymarferol; fodd bynnag, byddant yn dal i gynnwys cyfeiriad at yr adran o Ddeddf 2006.

A. Caiff y newidiadau i ffurflenni cwmni eu cyflwyno ar 1 Hydref 2009.

A. Nid oes ffurflenni enghreifftiol ar gael eto.

A. Bydd rhif yr adran yn ymddangos ar y ffurflen ond nid y pennawd fel ar hyn o bryd.

A. Yr unig ffurflenni yr effeithir arnynt gan ddarpariaeth Hydref 2007 y Ddeddf yw 128(1), 128(3), 128(4) 129(1), 129 (2) a 129(3). Ond bydd y ffurflenni hyn yn dal yn dderbyniol gan nad yw'r gofynion ffeilio wedi newid. Gall fod rhai mân newidiadau, er enghraifft y cyfeiriad at ddeddfwriaeth newydd, a bydd y rhain ar gael ar y wefan. Ni fydd mwyafrif ein ffurflenni'n newid tan Hydref 2009.

A. Hysbysiad am leoliad contractau gwasanaeth cyfarwyddwyr.

A. Byddant, bydd cwmnïau'n parhau i ddefnyddio Ffurflen 318 i roi gwybod am leoliad contractau gwasanaeth cyfarwyddwyr o dan adran newydd 228, ac am indemniad cyfarwyddwyr o dan adran 237 tan 30 Medi 2009.

A. Oes, dim ond wrth i'r gofrestr ddychwelyd i'r swyddfa gofrestredig y dylid defnyddio'r hysbysiad, gan fod rheoliadau o dan 1136 SAIL (Single Alternative Inspection Location) yn cael eu cyflwyno ar 1 Hydref 2009.

A. O fis Hydref 2009 ymlaen, caiff cwmnïau, o dan rai amgylchiadau, gofrestru enw sydd yr un fath ag un arall yn y mynegai enwau cwmni. Er enghraifft, “XXX cyfyngedig” ac “XXX (UK) cyfyngedig”. Dim ond lle mae’r cwmni sydd i’w gofrestru yn rhan neu i fod yn rhan o’r un grŵp â’r cwmni y mae ei enw eisoes ar y mynegai y caniateir hyn. Bydd angen i gwmnïau sydd am wneud cais am enw o dan yr amgylchiadau hyn gyflwyno cydsyniad ysgrifenedig y cwmni sydd eisoes ym mynegai’r Cofrestrydd, yn cyfleu bod y cwmni’n rhan neu i fod yn rhan o’r un grŵp â’r cwmni sydd eisoes ar y Gofrestr.

A. Byddan. Mae adran 60 o Ddeddf Cwmnïau 2006 yn parhau ag eithriad adran 30 o Ddeddf Cwmnïau 1985 ar gyfer cwmnïau sydd eisoes wedi’u heithrio, cyhyd â’u bod yn dal i fodloni’r amodau a nes iddynt newid eu henw.

A. Byddan. O fis Hydref 2008 ymlaen, bydd rhai rheolau newydd yn gymwys o dan adrannau 69 i 74 o Ddeddf Cwmnïau 2006. Bydd y rhain yn caniatáu cwyno lle cafodd cwmni ei gofrestru gyda’r bwriad o fynnu arian gan yr achwynydd neu er mwyn ei atal rhag cofrestru enw y mae ganddo ewyllys da ynddo (“cofrestru manteisgar”). Mae rhagor o wybodaeth am y Tribiwnlys Enwau Cwmni i’w chael yn www.ipo.gov.uk/cna.

A. Caiff unrhyw berson neu gwmni wrthwynebu enw cwmni.

A. Nac oes. Rhaid i bob gwrthwynebiad ynglŷn â chofrestru manteisgar gael ei anfon i’r Tribiwnlys Enwau Cwmni newydd annibynnol (a elwir hefyd y ‘Dyfarnydd’), fydd yn seiliedig yn Swyddfa Eiddo Deallusol y DU. Dim ond am wrthwynebiadau ‘rhy debyg’ ac ‘yr un fath’ y mae Tŷ’r Cwmnïau’n gyfrifol.

A. Gall y Tribiwnlys Enwau Cwmni wneud gorchymyn i gyfarwyddo’r cwmni i newid ei enw. Os bydd y cwmni’n methu cydymffurfio, gall y Tribiwnlys ddewis enw newydd i’r cwmni.

A. Caiff, caiff cwmni apelio i’r Uchel Lys.

A. Byddan. Bydd rheolau’r Tribiwnlys Enwau Cwmni yn ôl-weithredol.

A. Rhaid i bob cwmni ddangos ei enw cofrestredig:
- yn ei swyddfa gofrestredig a’i fan archwilio. Fodd bynnag, bydd cwmnïau segur wedi’u heithrio o 1 Hydref 2008 ymlaen. 
- mewn unrhyw leoliad lle mae’r cwmni’n cynnal busnes. Ond os defnyddir y lleoliad hwnnw’n bennaf fel lle byw (er enghraifft, cyfeiriad cyfarwyddwr), caiff y cwmni ei eithrio.
- ar ohebiaeth a dogfennau busnes y cwmni. Mae hyn yn cynnwys copïau caled o ddogfennau neu’r diwyg electronig neu unrhyw ddiwyg arall.

A. Rhaid i enw’r cwmni gael ei ddangos yn ddi-baid, ond o fis Hydref 2008 ymlaen, os ydych yn un o chwech neu ragor o gwmnïau sy’n rhannu swyddfa neu fan busnes, dim ond am bymtheg eiliad bob tair munud y bydd yn ofynnol ichi ddangos yr enw. Hwyrach y byddwch am fanteisio ar arddangosiadau electronig at y diben hwn.

A. O fis Hydref 2008 ymlaen, caiff mân amrywiadau ar ffurf yr enw eu caniatáu, gan gynnwys amrywio llythrennau bach a mawr, defnydd atalnodi, acenion, ac ati, a fformadu. Ond rhaid i’r gwahaniaethau beidio ag arwain at beryg dryswch.

A. Enw, rhif, man cofrestru a swyddfa gofrestredig y cwmni.

A. Gallwch. O fis Hydref 2008 ymlaen, caiff rhywun fynnu gwybodaeth yn ysgrifenedig gan gwmni y mae’n delio ag ef, gan gynnwys cyfeiriad ei swyddfa gofrestredig, unrhyw fan archwilio a’r math o gofnodion cwmni a gaiff eu cadw yn y swyddfa neu’r fan honno. Rhaid i’r cwmni anfon ymateb ysgrifenedig i’r person hwnnw o fewn pum diwrnod gwaith i gael y cais.

A. Bydd y cwmni a phob un o’i swyddogion sy’n methu cydymffurfio yn cyflawni tramgwydd a gall fod yn agored i’w ddirwyo.

Ond o fis Hydref 2008 ymlaen caiff yr atebolrwydd sifil personol ei ddileu. Mae hyn yn golygu, er enghraifft, pe bai swyddog yn llofnodi siec ar ran y cwmni, na fydd mwyach yn bersonol atebol i ddeiliad y siec am unrhyw arian..

A. Bydd angen i gwmnïau cyhoeddus nodi ai mewn arian sterling neu ewros y byddant yn cynnal y lleiafswm cyfalaf cyfrannau (dim ond sterling a ganiateid gynt).

A. Mae adrannau 761 – 767 o Ddeddf 2006 yn ymwneud â'r cyfalaf cyfrannau lleiafsymiol i gwmni cyhoeddus mewn ewros.

A. Y cyfalaf cyfrannau lleiafsymiol a awdurdodir yw naill ai £50,000 mewn sterling neu €65,600 mewn ewros.

A. O 6 Ebrill 2008 ymlaen:

• gall cwmni cyhoeddus gael ei gorffori wrth iddo fodloni'r lleiafswm awdurdodedig mewn arian sterling (£50,000) neu arian ewro (€65,600)
• ni fydd angen mwyach i gais cwmni cyhoeddus am dystysgrif i gael dechrau busnes a benthyca (tystysgrif fasnachu) fod ar ffurf datganiad statudol
• bydd angen i gwmni cyhoeddus sy'n gwneud cais am dystysgrif fasnachu neu gwmni preifat sy'n ailgofrestru'n gwmni cyhoeddus nodi ar y cais ai mewn arian sterling neu arian ewro y mae'n bodloni'r lleiafswm awdurdodedig sy'n ofynnol.

A.Caiff cwmnïau barhau i ddefnyddio ffurflenni penodedig presennol 117 (cais am dystysgrif fasnachu) a 43(3) (cais cwmni preifat am ailgofrestru'n gwmni cyhoeddus), ond bydd angen iddynt eu haddasu yn ôl sy'n briodol fel eu bod yn cydymffurfio â'r darpariaethau newydd ar gyfer ceisiadau a gyflwynir ar neu wedi 6 Ebrill 2008.

Mae Tŷ’r Cwmnïau wedi cynhyrchu ffurflenni 117 a 43(3) dewisol, a gafodd eu haddasu i fodloni'r gofynion newydd ar gyfer ceisiadau a gyflwynir ar neu wedi 6 Ebrill 2008, a hwyrach y carai cwmnïau ddefnyddio'r rhain yn lle'r ffurflenni penodedig.

A. Cyflwynodd y llywodraeth fersiwn drafft o'r Erthyglau Enghreifftiol yn ei dogfen ymgynghori yn Chwefror 2007. Yn sgil yr ymgynghoriad, ac o gymryd i ystyriaeth yr ymatebion a ddaeth i law, mae ailddrafft o'r Erthyglau Enghreifftiol bellach ar gael ar wefan BERR. Bydd drafft wedi'i ddiweddaru ar gael yn y Flwyddyn Newydd a bydd y drafft newydd yn gymwys i bob cwmni newydd sy'n corffori ar neu wedi 1 Hydref 2009.

A. Bydd yr erthyglau enghreifftiol sydd i'w pennu o dan Ddeddf Cwmnïau 2006 yn gymwys i gwmnïau wedi'u ffurfio o dan y Ddeddf honno sy'n dewis eu mabwysiadu, ac yn gymwys yn ddiofyn i gwmnïau wedi'u ffurfio o dan y Ddeddf honno na chofrestrant eu herthyglau cymdeithasiad eu hun gyda'r Cofrestrydd. Bydd yr erthyglau hyn yn gymwys i gwmnïau newydd a gaiff eu ffurfio ar neu wedi 1 Hydref 2009.

A. Rhaid i bob cwmni fabwysiadu Erthyglau Cymdeithasiad pan fyddant yn corffori. Mae Tablau A i F Rheoliadau Cwmnïau (Tablau A i F) 1985 (a elwir Tabl A fel arfer) yn nodi erthyglau enghreifftiol safonol, y gall cwmnïau eu defnyddio fel sail i'w herthyglau eu hunain. Os na fydd cwmnïau yn cofrestru eu herthyglau cymdeithasiad eu hunain, bydd Tabl A yn berthnasol yn eu habsenoldeb.

A. Cafodd Tablau A i F eu diwygio er mwyn sicrhau eu bod yn cyd-fynd â newidiadau a wneir i'r gyfraith gwmnïau. Aeth y Llywodraeth ati i lunio rheoliadau ym mis Medi 2007 a oedd yn gwneud diwygiadau i reoliadau Tabl A er mwyn galluogi cwmnïau newydd sy'n cael eu sefydlu ar 1 Hydref 2007 neu wedi hynny, i fanteisio ar Ddarnau o Ddeddf Cwmnïau 2006 a ddaeth i rym erbyn y dyddiad hwnnw, ac i osgoi gwrthdaro gyda'r Darnau hyn.

A. Nodir y newidiadau a wnaethpwyd yn Rheoliadau Cwmnïau (Tablau A i F) (Diwygiad) 2007 a Rheoliadau Cwmnïau (Tablau A i F) (Diwygiad) (Rhif 2) 2007, sydd ar gael ar wefan OPSI a / neu a nodir mewn datganiad ar wefan BERR.

A. Mae Tabl A newydd yn berthnasol i gwmnïau newydd a gorfforwyd ar 1 Hydref 2007 neu ar ôl hynny, na fyddant yn cofrestru eu herthyglau eu hunain pan fyddant yn gwneud cais i gael eu corffori. Nid oes yn rhaid i gwmnïau ddefnyddio Tabl A fodd bynnag ac mae modd iddynt ysgrifennu eu herthyglau eu hunain neu eu seilio ar erthyglau Tabl A. Os na fydd cwmnïau yn cofrestru eu herthyglau cymdeithasiad eu hunain, bydd Tabl A yn berthnasol yn eu habsenoldeb

A. Daeth y Tabl A newydd i rym ar ddydd Llun, 1 Hydref 2007.

A. Bydd y rheoliadau sy'n nodi'r erthyglau enghreifftiol yn cael eu gwneud ym mis Rhagfyr 2008 a byddant yn cychwyn ar 1 Hydref 2009. Ni fydd y newidiadau i Dabl A yn cael unrhyw effaith ar yr erthyglau enghreifftiol nac ar amseriad eu cyflwyno. Pan fydd yr erthyglau enghreifftiol yn dod i rym yn 2009 nesaf, byddant yn disodli Tabl A fel yr erthyglau rhagosodedig: ond ni fydd cwmni sydd eisoes â Thabl A diwygiedig yn erthyglau iddo, yn cael ei effeithio gan yr erthyglau enghreifftiol oni bai ei fod yn dewis newid iddynt.

A. Mae'r newidiadau a wnaethpwyd gan y Llywodraeth i Dabl A ym mis Medi 2007 wedi sicrhau bod yr erthyglau a fydd yn berthnasol pan na fydd cwmni yn cofrestru ei erthyglau ei hun, yn cyd-fynd â'r gyfraith gwmnïau a ddaeth i rym ar 1 Hydref 2007.

A. Nid yw'r Tabl A newydd yn effeithio ar gwmnïau sy'n bodoli eisoes oni bai eu bod yn dewis ei fabwysiadu. Gall cwmnïau sy'n bodoli eisoes ddewis diwygio'u herthyglau cymdeithasiad presennol, trwy gyfrwng penderfyniad arbennig, er mwyn sicrhau eu bod yn cyd-fynd â'r newidiadau a wnaethpwyd i'r gyfraith fel y'u mynegwyd yn y Tabl A diwygiedig. Mae gwybodaeth fanwl bellach ar gael as wefan Tŷ’r Cwmnïau (www.companieshouse.gov.uk)

A. Ydy, mae'r fersiwn diweddaraf Tabl A ar gael ar wefan Ty'r Cwmnïau.

A. Caiff Tablau C ac E eu diwygio o 6 Ebrill 2008 ymlaen. Y newidiadau yw:

Rheoliad 8 o Dabl C – yn rhoi i ddirprwyon sy'n gweithredu ar ran aelodau cwmni wedi'i gyfyngu drwy warant yr hawl i bleidleisio drwy godi llaw (yn gyson ag adrannau 284 a 324 o Ddeddf 2006).

Cafodd Rheoliad 8 o Dabl C ei ddiwygio am ei fod yn gwrthdaro ag adrannau 284 a 324 o Ddeddf 2006. Mae'r rhain yn ddarpariaethau newydd sydd wedi rhoi i ddirprwyon yn gweithredu ar ran aelodau cwmni yr hawl i bleidleisio drwy godi llaw. Roedd y geiriad blaenorol yn peri dryswch o ran a ganiateid i ddirprwyon arfer eu hawl newydd, gan na sonnid yn benodol amdanynt yn hen fersiwn y rheoliad.

Rheoliad 2 o'r Erthyglau Cymdeithasiad o dan Dabl E – yn pennu'r cyfnod rhybudd ar gyfer cyfarfodydd cyffredinol cwmnïau anghyfyngedig (yn gyson ag adran 307 o Ddeddf 2006)

Mae Rheoliad 2 o Dabl E yn gwrthdaro ag adran 307 o Ddeddf 2006 oherwydd bod y rheoliad yn diwygio rheoliad 38 o Dabl A, oedd yn caniatáu i gwmni anghyfyngedig alw cyfarfod cyffredinol drwy roi rhybudd o saith diwrnod yn unig; mae'r Ddeddf newydd yn mynnu rhybudd o 14 diwrnod o leiaf. Cafodd Rheoliad 38 ei ddileu o Dabl E.

Fe welwch fanylion pellach ar www.berr.gov.uk.

A. Bydd.

A. Byddid yn eu derbyn i gorffori cwmni, ond gan y caiff y Tabl A newydd ei weithredu ar 1 Hydref 2007 ni fydd rhai o'r erthyglau yn gymwys mwyach. www.companieshouse.gov.uk/companiesAct/implementations/oct2007.shtml

A. Mae Tŷ’r Cwmnïau ar hyn o bryd yn uno â chyrff eraill i ddarparu anerchwyr mewn amrywiol ddigwyddiadau ledled y wlad. Yn y dyfodol, yr arfaeth yw i Dy'r Cwmnïau gynnal ei seminarau ei hun yn ystod y 6 mis cyn y prif weithredu yn Hydref 2009.

Yn y cyfamser mae pob digwyddiadau cyffredinol Tŷ’r Cwmnïau yn gynnwys cyflwyniadau Deddf Cwmnïau 2006. Yn arbennig mae cyflwyniad manwl Deddf Cwmnïau yn gynnwys yn ein Seminarau Webfiling a Diwrnodau Gwybodaeth

A. Rhoir sylw i'r agwedd hon yn y ddogfen ymgynghori sydd ar gael ar wefan yr Adran Busnes menter a Diwygio. Mae pob croeso ichi ei defnyddio i lunio unrhyw sylwadau yr hoffech eu gwneud.

A. Mae hyn heb ei benderfynu eto o fewn y ddeddfwriaeth eilaidd. Ond pan gytunir, fe gaiff y wefan ei diweddaru.

Mae gwybodaeth fanwl bellach am benderfyniadau a chyfarfodydd wedi'i chynnwys yn Companies Act 2006: Private Company Information, ar wefan BERR: http://www.berr.gov.uk/files/file42261.pdf

A. Lle bo cwmni'n diwygio'i erthyglau cymdeithasiad, rhaid anfon copi o'r erthyglau diwygiedig i Dy'r Cwmnïau o fewn 15 diwrnod. Mae methiant i gydymffurfio yn dramgwydd troseddol.

Mae Deddf Cwmnïau 2006 yn cyflwyno cosb sifil newydd o £200 am fethiant i gydymffurfio. Ni chodir y gosb sifil ond lle bydd y cwmni'n derbyn hysbysiad gan y Cofrestrydd yn mynnu iddo gyflwyno copi o'i erthyglau diwygiedig a bod y cwmni'n methu gwneud o fewn 28 diwrnod. Byddai'r cwmni'n dal yn agored i weithrediadau troseddol yn ychwanegol at y gosb sifil o £200.

I osgoi'r gosb sifil, ni raid i gwmni ond cyflwyno copi o'i erthyglau diwygiedig o fewn 28 diwrnod i'r hysbysiad. Os gwna hynny, nid yn unig y bydd yn osgoi'r gosb sifil ond ni fydd modd wedyn ddwyn achos troseddol yng nghyswllt y methiant gwreiddiol i gydymffurfio.

Yn annhebyg i'r gosb bresennol am ffeilio cyfrifon yn hwyr, caiff y gosb newydd ei chodi wrth i gwmni fethu ymateb i hysbysiad y Cofrestrydd. Nid yw wedi'i chysylltu â chyflwyno'r erthyglau yn hwyr.

Ni fydd y Cofrestrydd yn cadw'r arian a gaiff ei gasglu drwy'r gosb newydd; caiff ei dalu i'r Gronfa Gyfunol, fel sy'n digwydd gyda'r gosb bresennol am ffeilio'n hwyr.

A. Do, fe ddaeth Adran 809 o Ddeddf Cwmnïau 2006 i rym ar 20 Ionawr 2007. Ond o dan Adran 809(1)(b) mae'r lle sydd i'w bennu ar wahân i'r swyddfa gofrestredig heb ei ddiffinio eto gan reoliadau o dan Adran 1136. Nes i'r rheoliadau hyn gael eu gwneud, dim ond yn swyddfa gofrestredig y cwmni y gellir cadw'r gofrestr, ac felly ni fyddai angen hysbysiad ar y Cofrestrydd.

A. Mae Deddf Cwmnïau 2006 yn ailddatgan darpariaethau Deddf Cwmnïau 1985 gyda golwg ar sêl y cwmni a thystysgrifau cyfrannau. Mae hyn yn golygu bod modd i'r cwmni gyflawni dogfennau, fel ar hyn o bryd, naill ai drwy ddefnyddio sêl y cwmni neu drwy i'r ddogfen gael ei llofnodi gan ddau lofnodydd sydd wedi'u hawdurdodi, e.e. dau gyfarwyddwr, cyfarwyddwr ac ysgrifennydd, neu gyfarwyddwr yng ngwydd tyst.

A. Does dim cynlluniau i gynnwys y mathau hyn o gwmnïau yn Neddf Cwmnïau 2006.

A. Nid yw Deddf 2006 wedi cyflwyno newidiadau i'r lleiafswm cyfalaf cyfrannau y mae'n rhaid i gwmni cyfyngedig preifat feddu arno. Ond bydd newidiadau i'r gyfraith gyda golwg ar gwmnïau cyfyngedig cyhoeddus. Bydd modd i gwmni cyhoeddus fod â lleiafswm cyfalaf awdurdodedig o naill ai 50,000 fel ar hyn o bryd neu o 65,600 o ewros, ond nid fel cyfuniad rhwng y ddau.

A. O dan Ddeddf 2006, mae'r Memorandwm Cymdeithasiad yn ddogfen sefydlog a gaiff ei chwblhau drwy gynnwys manylion y tanysgrifwyr. Bydd yn dweud eu bod am ffurfio cwmni, yn cytuno i ddod yn aelodau ac y byddant yn cymryd o leiaf un gyfran os yw'r cwmni wedi'i gyfyngu drwy gyfrannau. Bydd pob tanysgrifydd hefyd yn dilysu'r Memorandwm.

Oherwydd cynnwys yr wybodaeth hon, ni fydd angen diweddaru'r Memorandwm mwyach. Ond bydd angen o hyd i gwmnïau ffeilio Erthyglau wedi'u diweddaru pryd bynnag y gwneir newid i'w cyfansoddiad.