Cwestiynau Mynych
A fydd pob cwmni sy'n ffeilio'i gyfrifon yn hwyr yn cael cosb?
Bydd, ni waeth am ei faint, ei statws neu p'un a fo'n masnachu neu beidio. Mae hyn yn cynnwys cwmnïau segur, cwmnïau rheoli fflatiau a chwmnïau elusennol.
Ydy maint y gosb yr un fath i bob cwmni?
Nac ydy. Ceir graddfa gosbau i gwmnïau preifat a graddfa uwch arall i gwmnïau cyfyngedig cyhoeddus.
A fydd y Cofrestrydd yn derbyn unrhyw amgylchiadau lliniarol os cyflwynir y cyfrifon yn hwyr?
Bydd. Mae gan y Cofrestrydd ryddid i beidio â chasglu cosb, ond dim ond o dan yr amgylchiadau mwyaf eithriadol y bydd yn ei weithredu o blaid y cwmni.
A gaiff fy nghwmni ei gosbi os oedir y cyfrifon yn y post?
Caiff. Dim ond wrth iddynt gyrraedd Tŷ'r Cwmnïau yr ystyrir bod cyfrifon wedi eu cyflwyno.
A fydd y Cofrestrydd yn derbyn cyfrifon dros beiriant ffacs?
Na fydd. Mae'n rhaid i gyfrifon gynnwys llofnodion gwreiddiol.
Beth ddylwn i ei wneud os yw'r terfyn amser ar gyfer ffeilio gerllaw?
Defnyddiwch wasanaeth sy'n gwarantu dosbarthiad erbyn trannoeth. Peidiwch â dibynnu ar y post dosbarth cyntaf i ddosbarthu llythyr drannoeth.
Ydy cosbau ffeilio hwyr yn gymwys i ddogfennau eraill?
Nac ydynt, dim ond i gyfrifon.
Beth ddylwn i ei wneud os na alla i gwrdd â'r terfyn amser?
Cysylltwch â Thy'r Cwmnïau yn syth ac ystyriwch wneud cais am estyniad i'r amser ffeilio.
|
Yn ôlBrigArgraffu'r tudalenTudalen e-bostMap o'r wefan
Canolfan Cysylltu: +44 (0)303 1234 500 
Ebost: 
