Cwestiynau Cyffredin am Gyfreithloni tystsgrifau wedi’u rhoi gan Cofrestrydd Cwmnïau

Beth yw ystyr cyfreithloni dogfen neu dystysgrif?

Mae’r Swyddfa Dramor a Chymanwlad (FCO) yn gyfrifol am ddilysu dogfennau i’w defnyddio yn y gwledydd a lofnododd Gonfensiwn yr Hâg 1961. Mae hyn yn golygu bod gan y dogfennau’r un dilysrwydd yn y gwledydd hynny ag sydd ganddynt yn y DU.

Beth mae’n rhaid i mi ei wneud i sicrhau bod tystysgrifau a gyhoeddir gan Dŷ’r Cwmnïau yn dderbyniol i’w cyfreithloni gan yr FCO?

Caiff y tystysgrifau a gyhoeddir gan Dŷ’r Cwmnïau eu stampio neu eu llofnodi’n electronig, ond nid yw’r rhain yn dderbyniol i’r Swyddfa Dramor a Chymanwlad at ddibenion cyhoeddi tystysgrifau cyfreithloni. Mae’r Swyddfa Dramor a Chymanwlad yn gofyn bod gan bob dogfen lofnod gwreiddiol neu sêl swyddog cyhoeddus Prydeinig. Er mwyn cael tystysgrif wedi ei llofnodi’n bersonol gan un o swyddogion Tŷ’r Cwmnïau, mae angen i’r cwsmeriaid ofyn am ‘dystysgrif ardystiedig’.

Sut mae cael tystysgrif ardystiedig?

‘Gellir archebu ‘tystysgrifau ardystiedig’ drwy:

• Ganolfan Cysylltu Tŷ’r Cwmnïau ar +44(0)303 1234 500; neu
• Ganolfannau Gwybodaeth Caerdydd, Llundain neu Gaeredin (am wybodaeth bellach, ymwelwch ag http://www.companieshouse.gov.uk/toolsToHelp/infocent.shtml)
• Companies House Direct (gwasanaeth Saesneg ar-lein)

Ffioedd tystysgrifau ardystiedig

• Gwasanaeth 4 diwrnod gwaith £20.00
• Gwasanaeth 24 awr (os archebu cyn 2pm) £60.00