Gwasanaeth PROtected Online Filing (PROOF)

Cefndir

Mae cynllun PROOF ar droed ers 2005 ac yn y dechrau dim ond drwy gyflwyno ffurflen bapur (PR1) y câi cwsmeriaid ymuno.  Ym Mehefin eleni, gweithredodd Tŷ’r Cwmnïau gyfleustra dewis-ymuno electronig a ganiatâi i gwsmeriaid oedd wedi cofrestru ar gyfer gwasanaeth WebFiling drefnu i’w cwmnïau adael ac ymuno â PROOF ar-lein drwy ddefnyddio’u cod dilysu cwmni.

Deddf Cwmnïau 2006 – Newidiadau i Gynllun PROOF (PROtected Online Filing)

Yn sgil cyflwyno Deddf Cwmnïau 2006 a newidiadau radical i’r gyfraith gwmnïau, mae i gynllun PROOF bellach amodau a thelerau newydd sy’n gweithredu o fewn fframwaith statudol Deddf Cwmnïau 2006 (adran 1070).

D.S.  Bydd angen i gwmnïau sydd eisoes wedi cofrestru ar gyfer y cynllun PROOF  drosglwyddo i’r cynllun newydd oherwydd yn y pen draw tynnir yr  hen gynlluniau yn ôl. Er mwyn trosglwyddo, rhaid i gwsmeriaid clicio  blwch i gytuno â’r amodau a thelerau newydd sy’n arddangos ar sgriniau WebFiling.

Mae Tŷ’r Cwmnïau yn cynghori cwsmeriaid nad ydynt eisoes wedi cofrestru ar gyfer  PROOF i ymuno â’r gwasanaeth o dan drefn WebFiling er mwyn diogelu’u cwmnïau rhag ffeilio twyllodrus.

I ymuno â PROOF, ni raid ond cofrestru ar gyfer gwasanaeth WebFiling, cytuno â’r amodau a’r telerau a dethol ‘ymuno â PROOF’.

Gwasanaeth WebFiling

Mae’n gwasanaeth cofrestru ar-lein yn caniatáu ichi gyflwyno gwybodaeth gwmni’n fwy diogel a chofrestru ar gyfer cynllun PROOF.

Cwestiynau Mynych ynghylch gwasanaeth PROOF